Бірінші лиганың 7 туры аясында «Тараз» сырт алаңда «Хан Тәңірі» клубымен ойнады. Турнир кестесінде «көрші» орналасқан командалардың кездесуі тартысты өтті.

Алаң иелері алматылық ұжым бірінші таймда бірқатар өткір шаубылдар ұйымдастырып, қақпадан саңылау табуға ұмтылды. Бірде қақпашы құтқарса, бірде қорғаушылар өз міндетін мүлтіксіз атқаруға тырысты. Ұрымтал тұстың бірінде қарсылас команда қарымта шабуылға шығып, оң қапталдан айып алаңына ентелей еніп, пас шығарған. Мұндай мүмкіндікті мүлт жібермеген «Хан Тәңірі» ойыншысы Әлішер Рахымжанов 21 минутта матч есебін ашты.

Кездесу жауын астында өткеніне қарамастан, футболшыларға кедергі келтіре қоймады. Керісінше, командалар шабуылға жиі иек артып, жылдам футболдың үлгісін көрсетуге тырысты. Тайм соңына таман тараздықтар басымдық байқатып, Әлішер Сүлей гол соғатын сәт орын алды. Нәтижесінде Әлішердің пасынан кейін доп Элер Рахимовтың басынан табылып, ол оны голға айналдырды. Бұл Э.Рахимовтың чемпионаттағы екінші голы.

Екінші таймда бапкерлер тың ойыншыларды алмастырып, ойын мәнерін түрлендіруге тырысты. Матчта «Тараз» қақпашысы Жандар Жанғалиев 9 мәрте сейф жасады. Бая-аяғы қос қақпаға 15 тура соққы тебілді. Дегенмен, таблодағы көрсеткіш 1-1 есебінен өзгермеді.

7 турдан кейін екі команда да 8 ұпай еншіледі. Келесі матч 29 мамыр күні «Орталық» стадионда өтеді. Өз алаңымызда павлодарлық «Ертісті» қабылдаймыз.