Құрылды 19 Шілде 2026

Freedom QJ League-дің 11-туры аясында «Тараз» өз алаңында былтырғы чемпион «Қайратты» қабылдады.

Бірінші айналымның соңғы матчында тараздық футболшылар чемпионат көшбасшысына лайықты қарсылық көрсетті. Кездесудің алғашқы минуттарынан бастап командалар тартысты ойын көрсетті.

Матчтағы алғашқы голды қонақтар 23-минутта пенальтиден соқты. Алайда «Тараз» ойын соңына дейін берілмей, араға 16 минут салып есепті теңестірді.

Голдық шабуыл оң қапталдан басталды. Айдын Анарқұлдың асырған добына бірінші болып Расул Нұрманбай жетіп, допты Ернұр Орынбасарға ыңғайлы паспен жеткізді. Ал шабуылшы мүмкіндікті мүлт жібермей, есепті 1:1-ге жеткізді.

Екінші таймда «Қайрат» тағы екі гол соғып, кездесуде 3:1 есебімен жеңіске жетті. Дегенмен «Тараз» былтырғы чемпионға қарсы өте лайықты төтеп беріп, ойын бойы күрес көрсетті.

Осылайша, «Тараз» бірінші айналымды аяқтады.

Команда келесі матчын 26 шілде күні өз алаңында өткізеді. Тараздықтар өз жанкүйерлерінің алдында «Шахтермен» кездеседі.

Құрылды 19 Шілде 2026

Freedom QJ League – Жасөспірімдер лигааының U-17 жас санатының 11-туры аясында «Тараз-2010» өз алаңында былтырғы жылғы чемпион – «Қайрат-2010» командасын қабылдады.

+43°C ыстық ауа райында өткен матч тартысты әрі қарқынды өрбіді. Кездесудің алғашқы минуттарынан-ақ қос команда да шабуылда белсенділік танытты.

26-минутта қонақтар есеп ашты. Алайда бірінші таймның соңына қарай «Тараз» таразы басын теңестірді. Команданың шабуылынан кейін Арнат Ералы қорғаушының үстінен асыра өте әдемі пас беріп, Владимир Федотовты гол соғуға шығарды. Шабуылшы өз мүмкіндігін мүлт жібермей, есепті 1:1-ге жеткізді.

Бұл гол Владимир Федотов үшін ерекше болды. «Тараз» шабуылшысы 2024–2025 жылдары «Қайрат» сапында өнер көрсеткен. Осылайша ол өзінің бұрынғы командасының қақпасына гол соқты.

Екінші таймда «Тараз» чемпион атанған қарсыласына өте лайықты қарсылық көрсетті. Жамбылдық команда ойын бойы күресіп, «Қайратқа» оңай жеңіске жетуге мүмкіндік бермеді.

Дегенмен кездесудің 82-минутында қонақтар қайта алға шықты. Ал матчтың соңғы минуттарында «Қайрат» қарымта шабуыл ұйымдастырып, 90+3-минутта үшінші голын соқты.

Қорытынды есеп – 1:3. Нәтижеге қарамастан, «Тараз-2010» былтырғы жылғы чемпионға қарсы өте мазмұнды ойын көрсетіп, жоғары деңгейдегі қарсыласқа лайықты қарсылық танытты.

Құрылды 15 Шілде 2026

U-18 командамыздың ойыншысы Мухаммет Шукуралиев клубымыздың жастар командасы сапында кәсіби футболдағы алғашқы матчын өткізді!

17 жастағы жартылай қорғаушы Екінші лиганың 14-туры аясында өткен «Ордабасы» ФК жастар командасына қарсы кездесудің 69-минутында Айбек Оксикбаевты алмастырып, алаңға шықты.

Дебютант алаңға шыға салысымен, шабуылға тың қарқын қосып, 90+3 минутта қарсылас ойыншысын қызыл қағаз алуға мәжбүрледі.

Осылайша Шукуралиев кәсіби футболдағы дебютін жасап, мансабындағы маңызды белесті бағындырды.

Мухаметті айтулы оқиғамен құттықтап, алдағы футбол жолында толағай табыс тілейміз! 

Құрылды 12 Шілде 2026

Алматы қаласында Freedom QJ League ұйымдастырған дәстүрлі QJL All Star жұлдыздар матчы өтті. U-18 санатындағы лиганың үздік ойыншыларынан жасақталған Қазақстан құрамасы Германияның атақты «Боруссия» (Менхенгладбах) академиясының тәрбиеленушілерімен кездесіп, негізгі уақытта 0:0 есебімен тең түсіп, матчтан кейінгі пенальти сериясында 6:5 есебімен жеңіске жетті.

Аталған кездесуге «Тараз»-U18 командасының ойыншысы Мухаммет Шукуралиев шақырту алып, QJL All Star құрамасының сапында болды. Бұл жолы жерлесіміз қосалқы құрамда қалып, алаңға шықпады.

Матчтан кейін Мухаммет мұндай шараға қатысудың өзі үлкен тәжірибе болғанын атап өтті.

«QJL All Star құрамасындағы атмосфера өте жоғары деңгейде болды. Қазақстанның түкпір-түкпірінен келген үздік футболшылармен танысып, жаңа достар таптым. Мұндай орта әр ойыншыға үлкен мотивация береді. Қарсыласымыз да өте жоғары деңгейдегі команда екендігін көрсетті. Осындай матчтардың жас футболшылардың дамуына берері мол», – деді Мухаммет Шукуралиев.

«Тараз» футбол клубы Мухаммет Шукуралиевті QJL All Star құрамасына шақыртылуымен құттықтап, алдағы спорттық жолында жаңа жетістіктер тілейді.

Құрылды 09 Шілде 2026

Игрок команды «Тараз»-U18 Мухаммет Шукуралиев продолжает подготовку в составе команды QJ League ALL STAR к товарищескому матчу против академии немецкой «Боруссии Мёнхенгладбах».

В эти дни команда, собранная из лучших игроков Freedom QJ League проводит учебно-тренировочный сбор в Алматы. По итогам подготовки команда выйдет на поле 11 июля, где встретится с одной из сильнейших футбольных академий Германии.

В текущем сезоне Freedom QJ League Шукуралиев провел 9 матчей, забил 4 мяча и отдал 2 результативные передачи. Приглашение в состав QJ League ALL STAR стало признанием его успешного выступления в чемпионате.

Мухаммет Шукуралиев:

-Очень рад оказаться здесь и представлять футбольный клуб «Тараз» в составе QJL ALL STAR. С первых дней сборов чувствуется высокий уровень организации, все ребята сильные, поэтому тренировки проходят очень интенсивно. Мы быстро нашли общий язык и сейчас полностью сосредоточены на подготовке к матчу. Сделаем все возможное, чтобы достойно представить Казахстан, наш клуб и показать хороший футбол.

Құрылды 09 Шілде 2026

U-16 командамыздың бас бапкерінің көмекшісі Анатолий Бельский өз алаңымыздағы «Каспий» ФК қарсы матч туралы өз пікірін білдірді:

-Жіберіп алған голдардың барлығына өзіміз себепші болдық. Бұндай сәтте бірдеңе айту өте қиын. Жеңіске жетуге болатын матч еді, бірақ, стандартты шабуылдан үш гол жіберіп алдық

Құрылды 09 Шілде 2026

U-16 командамыздың ойыншысы Әлішер Бауыржанұлы өз алаңымыздағы «Каспий» ФК қарсы матч туралы өз пікірін білдірді:

-Ойын туралы қазір ештеңе айта алмаймын, тек қарсыласты жеңісімен құттықтаймын.

Құрылды 09 Шілде 2026

U-15 командамыздың бас бапкерінің көмекшісі Қарасай Жұмағұл өз алаңымыздағы «Каспий» ФК қарсы матч туралы өз пікірін білдірді:

-Өте тартысты, қызықты ойын болды. Соңғы сәтте есепті теңестіре алдық. Өз алаңымызда ойнағандықтан, жеңісті жұлып алуға да болатын еді. Мүмкіндіктеріміз көп болды, бірақ, қателіктеріміз де аз емес

Құрылды 09 Шілде 2026

U-15 командамыздың ойыншысы Еркебұлан Алшынбек өз алаңымыздағы «Каспий» ФК қарсы матч туралы өз пікірін білдірді:

-Матч барысында 0:2 есебімен жол беріп тұрғанымызбен, жамбылдық мінездің арқасында бір ұпай еншіледік. Соққан голымды отбасыма арнаймын

Құрылды 09 Шілде 2026

U-18 командамыздың бас бапкерінің көмекшісі Бектас Нұрдәулет сырт алаңдағы «Каспий» ФК қарсы матч туралы өз пікірін білдірді:

-Біздің жігіттер матч алдындағы нұсқаулықты орындай алмады. Қарсыласты жеңісімен құттықтаймын, олар бізге қарағанда жеңіске көбірек жеткісі келді деп ойлаймын