Құрылды 11 Ақпан 2025

Төмендегі футболшылар биылғы футбол маусымының соңына дейін клубпен келісім шартқа қол қойды: 

Ерасыл Кеулімжай, Мүслім Жұмат, Азамат Ерден, Әділет Өмей, Санжар Кемелбек, Диас Лесбек, Мадияр Мергенбаев, Мирас Жақсымбетов, Мерей Жамбыл, Еркебұлан Рахметулла, Жандос Өмірзақов, Темірлан Төребек.

Ал, Нұрдәулет Орынбасар, Димаш Серікұлы және Абзал Мұқанбетжановтардың келісім шарты былтыр бірден екі жылға жазылған.

Команда бас бапкерінің міндетін атқарушы Нұркен Мазбаев әлі бірқатар ойыншы команда құрамын толықтырады дейді. – «Қаралымда жүрген жас ойыншылармен қатар тәжірибелі футболшылар да бар. Әлішер Сүлей, Жақып Қожамберді, Мадияр Нұралы және Бектас Нұрдәулет командамен жаттығуда. Сондай-ақ QJ League командаларынан бірнеше ойыншыны қарастырудамыз. Жаңа футболшыларды тіркеу үшін салынған тыйымды алу мәселесі реттелсе, құрамды күшейту жоспарымызда бар», - деді Н.Мазбаев.

Айта кетейік, ертең командамыз сағат 12:00-де “Жастар” стадионында Қырғызстан астанасы Бішкектен келген “Талант” клубымен кім мықтыны анықтайды. Аталған кездесуге кез-келген жанкүйер келіп, өз қолдауын көрсете алады. Сол себептен, фанаттарды маусым алдындағы маңызды ойындарда командамен бірге болуға шақырамыз! 

Құрылды 31 Қаңтар 2025

Қазақстан құрамасының экс-ойыншысы Ұлан Қонысбаев “Тараз” ФК спорттық директоры лауазымына бекітілді.

Ұлан Қонысбаев өмірінен қысқаша мағлұмат:

Ұлан Әбиірбекұлы Қонысбаев 1989 жылы Өскемен қаласында дүниеге келді. Футболдағы алғашқы қадамын болашақ жартылай қорғаушы 2006 жылы “Жамбыл” командасында бастады. Онда жарқын өнер көрсетіп, “Тараз” командасы бапкерлерінің көзіне түсті. 2010 жылы Қонысбаев оңтүстік ұжыммен бірге ҚПЛ дебют жасады. Өзінің жоғарғы лигадағы бірінші маусымында 7 гол соққан жартылай қорғаушы бір жыл өте астаналық “Локомотив” сапын толықтырды.  Алайда Ұлан мұнда көп аялдамай қарағандылық “Шахтерге” жалға жіберілді. Қонысбаев "кеншілер" сапында жүріп, 2011 жылы Қазақстанның үздік футболшысы атағына лайық деп танылды. Ұлттық құрамадағы алғашқы ойынын жартылай қорғаушы дәл сол жылы Беларусия құрамасына қарсы өткізді (1:1). Ал Қазақстан жейдесіндегі алғашқы голын Қонысбаев 2012 жылғы Еуропа чемпионатына іріктеуі кезеңінде Түркия қақпасына салды. Аталған матчта ел құрамасы тең нәтижеге  қол жеткізуі тиіс болатын. Алайда кездесу соңындағы қосымша минуттарда Арда Туран түріктерге жеңіс сыйлады (2:1).

Кәсіби мансабында Ұлан Қонысбаев “Тараздан” бен “Шахтерден” бөлек, алматылық “Қайрат”, “Атырау”, “Ақтөбе” және көкшетаулық “Оқжетпес” ұжымдарында доп тепті. 2011 жылы ойыншы “Шахтермен” бірге ел чемпионатында топ жарды. Сонымен қатар, Қонысбаевтың ел Кубогы мен Суперкубогы бәсекелеріндегі чемпиондық жетістігін ерекше атап өткеніміз жөн.

“Тараз” ФК спорттық директоры атанған Ұлан Әбиірбекұлына жаңа қызметте толағай табыс тілейміз! 

Құрылды 27 Қаңтар 2025

Толығырақ...

Құрылды 01 Сәуір 2024

Командамызды қолдайық!

Бірінші Лиганың екі турынан кейін «Таразды» өте қызықты текетірес күтіп тұр. 14 сәуір Орталық стадионда Қазақстан кубогының 1/8 финалында командамыз ел чемпионы – шымкенттік «Ордабасыны» қабылдайды. Барлықтарыңызды 14:00-де күтеміз! Билет құны – ересектерге 1000 теңге, балаларға – 500 теңге.
Билеттерді 3 сәуірден бастапОрталық стадионның кассаларынан алуға болады. Жұмыс уақыты – 10:00-ден 18:00-ге дейін

Құрылды 31 Шілде 2023

Толығырақ...