Таразда 2008 жылы туған жасөспірімдер командалары чемпионатының екінші туры өтуде. Бірінші кездесуде алаң иелері «Алашты» 4:0 есебімен ұтса, екінші матчта түркістандық «Тұранға» 1:2 есебімен жол берді. Бұл матчта алаң иелерінің бір голын ойын тыс қалу себебінен, төрешілер есепке алмады. Команданың бас бапкері – Ерзат Кенбаев.

-Шамасы, біз бүгін қарсыласты лайықты түрде бағаламадық, олар қысым көрсете алды. Дей тұрғанмен, жігіттер барын салды. Екі гол өткізіп алған соң, бір доппен жауап қайтардық. Екінші голға да мүмкіндік болғанымен, сәттілік жетіспеді. Бастысы, бізге қазіргі таңда команданың дамуы, тактикалық жүйелеріміз іске асқаны маңызды. Бапкерлік штабтың басты міндеті – жоғары нәтиже ғана емес, резервті даярлау. Осы тұрғыда біз екі матчта толыққанды жұмыс атқардық. Ойыншыларымыз әр матч сайын тактикалық тұрғыда шыңдалып келеді. Дәл осындай кездесулерде зор тәжірибе жинауға болады, -дейді команданың бас бапкері