Тараздық жасөспірімдер ел кубогының финалдық кезеңіне шықты

Таразда 2008 жылғы туған жасөспірімдер арасында ҚР кубогының іріктеу кезеңі аяқталды. Алаң иелері тартысқа толы топта жеңімпаз атанып, финалдық кезеңге шықты. Бірінші матчта «Ақтөбеге» қарсы маңызды матчта жерлестеріміз 1:0 есебімен басым түсті. Одан кейін, Атакенттен келген «Мақтааралды» 4:0 есебімен жеңіске жеткен біздің жігіттерге үшінші турда «Тұранға» қарсы кездесуде тең нәтиже де жететін және бірінші тайм 1:1 есебімен аяқталды. Алайда, бірінші орыннан күдерін үзбеген қонақтар алға ұмтылып, қорғанысты ұмыт қалдырды. Сол себептен, тараздықтар бұл мүмкіндікті пайдаланып, 6:1 есебін тіркеді. Алаң иелері сапында Данияр Лесбек пен Нұрмұхамед Мухаметілда қос голдан соқса, Адият Дексен мен Абдумалік Абутали бір доптан еншілеріне жазды. Түркістандықтар құрамынан Асхат Жаңбырбай пенальтиден бір гол соқты.

Осылайша, «Тараз» 9 ұпаймен бірінші орынды иеленіп, ел кубогының финалдық кезеңіне шықты. Финалдың өткізу кейін белгілі болады. Шешуші этаптан «Ақтөбе» де жинаған 6 ұпаймен екінші орын алған командалар арасында үздік нәтиже болу мүмкіндігіне байланысты, күдерін үзген жоқ