1 қараша күні Алматы қаласында Freedom QJ League – Жасөспірімдер лигасының марапаттау салтанаты өтті. Әр номинациялар бойынша оқ бойы озып шыққандарға сыйлықтарды футбол ардагерлері мен спорт саласының жұлдыздары табыстады.
Бұл кештен біздің жігіттер құрқол қайтпады. U18 командамыздың капитаны, маусым барысында ерекше көзге түскен Нұрдәулет Орынбасар Эдуард Сон атымен аталған «Маусымның үздік шабуылшысы» номинациясында жеңіске жетті.
Бұдан өзге, Нұрдәулетпен қатар, U18 санатында өнер көрсететін тағы бір футболшымыз – Азизжон Бердиев маусымның үздіктер қатарына еніп, символикалық құрамадан орын тапты. Жігіттерді мараппаттарымен құттықтаймыз!