«Тараз» футбол клубының бас бапкері қызметіне 2025 жылдың қорытындысы бойынша Бірінші лиганың үздік бапкері атанып, «Каспий» клубын чемпиондыққа жеткізген Руслан Эсатов тағайындалды.

Руслан Эсатов 1984 жылы Жамбыл облысында дүниеге келген.
Футболшы ретіндегі кәсіби мансабын Таразда бастап, әр жылдары «Тараз», «Лашын», «Каспий», «Қайсар», «Жетісу», «Атырау» клубтарының намысын қорғады.

2019 жылдан бастап жаттықтырушы ретінде еңбек етіп келеді. Осы кезеңде «Тараз-Қаратау», «Мақтаарал», «Каспий» командаларын жаттықтырды.
2025 жылы бас бапкер ретінде «Каспий» клубымен Бірінші лиганың чемпионы атанды.

Қош келдіңіз, Руслан! Жаңа маусымда толағай табыстар тілейміз!
@ruslanessatov