«Тараз» жанкүйерлері үшін «Түркістанға» қарсы матчта алаңға былтырғы маусымдағы көшбасшылардың бірі Жақып Қожамбердінің шығуы таң қаларлық жәйт болды. Ойыншыларды тіркеуге бан қойылған кезде бұл футболшы бізге қалай келді?

-Айта кету керек, бірқатар жәйт сәйкес келді. Биылғы маусым басында Жақып қазақстандық клубтардың бірінде жаттығу жасап жүрді, сол жақта ойнауы керек болды. Дегенмен, жарақат алып қалып, емделді. Ал, жаңа клубы трансферді тіркемеді. Сол себепті, ойыншы қағаз жүзінде әлі де «Таразға» тиесілі болды, сондықтан, ереже бойынша, біз оны чемпионатқа тіркей алдық. Жақып командаға, туған қаламызға қупнп оралып, қалған ойындарда көмектесуге ниетті. Бұл жағдайда қаржылық мәселе зор мәнге ие болмады.

Жақып ақша үшін емес, өзіне үлкен футболға жолдама берген клубтың намысын қорғауға келді. Өткен матчта соққан голы, биылғы жылға соңғысы емес деп сенеміз, -дейді клубтың басшысы Жандос Ахметов