Құрылды 04 Маусым 2025

Осы күнге дейін клубта басшы міндетін атқарып келген Мұрат Жұмақожаұлы бас менеджер болып бекітілді.

Ол 1986 жылы дүниеге келген. 2017 жылы Қазақстан футбол федерациясында маман, 2019 жылы бас маман болды. 2023-2025 жылдары федерацияда спорттық департамент директоры, футбол лигасының спорттық директоры қызметтерін атқарды.

Құрылды 04 Маусым 2025

Жамбыл футболының түлегі, «Тараз» сапында Қазақстан чемпионы атанған Нұрмат Мырзабаев команданың бас бапкері қызметіне тағайындалды.

Нұрмат Нарманұлы 1972 жылы 11 қарашада дүниеге келген. Кәсіби футболшы ретінде «Тараз», «Ертіс», «Есіл», «Ақтөбе» секілді командаларда 301 матч өткізіп, 34 гол соққан. Қазақстан ұлттық құрамасында 16 ойында 1 мәрте мергендік танытқан.

2006 жылдан бастап бапкерлік қызметке кірісті. Мансабында жаттықтырушы, бас бапкер міндетін атқарушы, бас бапкер болған. Осы күнге дейін «Тараз» футбол орталығында QJ League командаларының үйлестірушісі лауазымын атқарды.

Құрылды 04 Маусым 2025

«Мемлекеттік кәсіпорынның басшысын тағайындау және аттестаттау, сондай-ақ оның кандидатурасын келісу қағидаларын бекіту туралы» Қазақстан Республикасы Ұлттық экономика министрінің 2015 жылғы 2 ақпандағы № 70 бұйрығына сәйкес 2025 жылғы 02 маусымында «Жамбыл облысы әкімдігінің дене шынықтыру және спорт басқармасы «Тараз» кәсіпқой футбол клубы» коммуналдық мемлекеттік қазыналық кәсіпорны басшысы бос лауазымына конкурсқа қатысуға құжат тапсырған үміткерлермен әңгімелесу өткізіліп, конкурстық комиссия мүшелерінің дауыс беру нәтижесі бойынша «Жамбыл облысы әкімдігінің дене шынықтыру және спорт басқармасы «Тараз» кәсіпқой футбол клубы» коммуналдық мемлекеттік қазыналық кәсіпорны басшысы бос лауазымына орналасуға Молдагаиров Серик Алпыспаевичтің кандидатурасы ұсынылып, ол 2025 жылғы 04 маусымында тағайындалды.

Серік Алпысбайұлы 1984 жылы дүниеге келген. Білімі – жоғары. 2011-2016 жылдары «Астана-1964» футбол клубында заңгер, FIFA TMS бағдарламасының менеджері, 2019-2021 жылдары «Атырау» командасында бас директор орынбасары, заңгер, 2023 жылдан бері «SD Family Group» ЖШС Атқарушы директоры лауазымдарын атқарған.

Құрылды 03 Маусым 2025

✅Ресми: «Cambridge Line» мектебі – «Тараз» футбол клубының серіктесі атанды!

⚪️Серіктестің қолдауымен футбол орталығына қажетті медициналық дәрі-дәрмектер мен спорттық жабдықтар жеткізіледі – бұл ойыншылардың денсаулығы мен дайындығын жаңа деңгейге көтеруге көмектеспек.

🤝Осындай маңызды қолдау үшін «Cambridge Line» мектебінің ұжымына, басшысы Нұрғали Амангелдиевке зор алғысымызды білдіреміз!

Құрылды 01 Маусым 2025

💙1 маусым – Халықаралық балаларды қорғау күніне орай, «Мейірімді Ball» жобасы аясында «Остров Кэма» демалыс аймағымен бірге «Асыл Кеней» мүгедектердің қоғамдық бірлестігінің ерекше күтімді қажет ететін балаларына сый-сияпаттар табысталды.

🤍Аталған игі бастамаға клубымыздың Freedom QJ League командаларының ойыншылары балаларға мерекелік көңіл-күй сыйлауға өз үлестерін қосты.

Құрылды 01 Маусым 2025

💙1 маусым — Балаларды қорғау күні мерекесіне орай, «Тараз» футбол клубы «MART» сауда, ойын-сауық орталығында арнайы іс-шара өткізді.

🤍Мерекелік бағдарламаға негізгі команда ойыншылары Мадияр Нұралы бастаған жігіттер мен QJ League командаларының футболшылары қатысты. Олар балаларға футбол әдістерін көрсетіп, әртүрлі ойындар ұйымдастырды.

💙Бүлдіршіндерге сый-сияпаттар табыстады. Балаларға көтеріңкі көңіл күй сыйлап, естелік суреттерге түсіп, қолтаңба қалдырды.

🤍Біздің жігіттер ерекше күтімді қажет ететін балаларды да назардан тыс қалдырған жоқ. «Мүгедек жастар қоғамы» қоғамдық бірлестігінің «TenQogam» жобасының иппотерапия қызметін алушыларға да естелік сыйлықтар берілді

💙Жалпы «Тараз» футбол клубы әрбір мерекеде белсенді іс-шаралар ұйымдастырып, салауатты өмір салтын насихаттап келеді. Бұл бағыттағы жұмыстар жалғаса бермек

Құрылды 30 Мамыр 2025

1 маусым – Халықаралық балаларды қорғау күніне орай, U-18, U-17 және U-16 командаларымыздың ойыншылары арасында FC25 ойын түрінен кибер-турнир өтті.

Аталмыш бәсекеде жеңімпаз атанған U-18 командамыздың ойыншысы – Нұрмұхамед Мұхаметілда маусым айында Freedom QJ League ұйымдастыруымен өтетін кибер-турнирдің финалдық кезеңінде клубымыздың намысын қорғайтын болады.

Жарыс соңында жеңімпаз бен жүлдегерлерге демеушілік қаражат есебінен жаттығу жұмыстарына қажетті құралдар жинағы табысталды

Құрылды 30 Мамыр 2025

✅Футбол орталығының тәрбиеленушілері жаңа спорттық жейделермен қамтылды.

⚪🔵«Тараз-2012» және «Тараз-2013» командаларына «Jako» брендінің спорттық киімдер жиынтығы (жаттығу және ойын жейделері, спортивка, сөмке, т.б.) табысталды. Қазіргі кезде 2012 жылы туған жасөспірімдер командасында 44 бала, ал 2013 жылы дүниеге келген жасөспірімдер командасында 35 бала бар.

🔵⚪Жалпы «Тараз» футбол орталығында жас ерекшелігіне байланысты 11 санатта командалар жаттығады. Оның үшеуі QJ League чемпионатына, басқалары ел біріншілігіне қатысуда. Сонымен қатар, екі қыздар командасы жұмыс жасайды.

💬Футбол клубының басшысы Мұрат Агибаев кезең-кезеңімен өзге санаттағы командалар да жаңа спорттық киімдер жиынтығымен қамтылатынын айтты.

🔸Айта кетейік, футбол орталығын толық қамту үшін жалпы көлемі 60 млн теңге жұмсалды. Бұл сома клубқа тартылған инвестор есебінен жүргізілді.

🔹Сонымен қатар, орталық жасөспірімдеріне арнайы спорттық дәрі-дәрмектер мен дәрумендер алынуда. Оған қажетті қаражат клуб серіктесі «Cambridge lain Taraz» жеке мектебінің есебінен болмақ. Осы үшін мекеме басшысы Нұрғали Амангелдиевке алғыс білдіреміз.

🔹Бүгінде орталықта бас-аяғы 329 адам болса, оның ішінде 94 бала QJ League ойындарына қатысады. Ал қыздар саны – 36.

#fctaraz #футбол_орталығы
#tarazfc #футбольный_центр

Құрылды 29 Мамыр 2025

Қазақстан Бірінші лигасы 8 туры аясында «Тараз» командасы өз алаңында «Ертісті» (Павлодар) қабылдады. Матч қос команданың алма-кезек жылдам шабуылмен басталған. Алаң қонақтары сапындағы тәжірибелі футболшылар бірнеше мәрте қақпаға қауіпті соққалар жасады. Бірінде қақпа бағанасына тиіп, кері қайтты. Ал «Тараз» сапынан Димаш Серікұлы сол қапталдан айып алаңына пас жеткізгенімен, «Ертіс» қорғаушылары Элер Рахимовқа соққы жасайтын мүмкіндік бермеді. Бірінші таймда есеп ашатын ұрымтал тұстар болғанымен, ойыншылар қақпадан саңылау таба алмады.

Екінші таймда гол соғатын сәттер аз болмады. Мүслім Жұмат, Элер Рахимовтың гол соғатын бірнеше мүмкіндікті мүлт жіберіп алды. Барынша қарсыласты қыспаққа алғанымен, соңғы соққы сәтті шықпай жатты. Футболдағы «сен соқпасаң, саған соғады» принципі орындалды. 75 минутта алаңға тыңнан шыққан Руслам Есімовтің баспен бағыттаған соққысы голға айналды.

«Тараз» бапкерлік құрамы бірнеше ойыншыны алмастырып, жаңа дем беруге тырысқанымен нәтиже өзгеріссіз қалды. Енді ел чемпионтында ұлттық құрама ойындарына орай екі апталық үзіліс орнайды. Жамбылдықтар келесі кездесуді сырт алаңда 12 маусым күні «Екібастұз» командасымен өткізеді. «Орталық» стадионда болатын өз алаңымыздағы матч 20 маусымға белгіленген. Қарсылас команда – «Ақтөбе-2».

Құрылды 27 Мамыр 2025

Fitness Blitz — Қазақстан бойынша ірі фитнес клубтар желісі

«Тараз» футбол командасы заманауи жабдықталған фитнес-клубта жаттығу жасауға мүмкіндік алады

Сонымен қатар, фитнес желісі «Тараз» футбол орталығының жасөспірімдері үшін арнайы жаттығу құрылғыларымен қамтамасыз етеді

Fitness blitz — еліміздің 9 қаласында қызмет көрсететін ірі фитнес-клубтар желісі!
#fctaraz #fitnessblitz