Құрылды 02 Шілде 2025

Бірінші лиганың 11 туры аясында «Тараз» сырт алаңда алматылық командамен кездесті. Турнир кестесінде жоғары тұрған қарсылас команда жеңіске жетіп, қатарынан үшінші матч ұпай олжалады.

Ойын басында бірден өткір шабуыл ұйымдастырған «Тараз» футболшылары матчта есеп ашты. Кездесудің төртінші минутында Мүслім Жұмат мергендігімен танылып, гол авторы атанды. Алайда таймның соңына таман алаң иелері таразы басын теңестіріп кетті.

Кездесудің екінші бөлігі басында «Қайрат-Ж» ойыншылары ширақ қимылдап, бірнеше қауіпті шабуылдар ұйымдастырды. Сондай сәтті бірінде қорғаушы Азамат Еркінбек абайсызда автогол соғып алды. Артынша алматылық команда есепті еселей түсті. Қорытынды есеп – 3-1.

«Тараз» келесі кездесуді 4 шілде күні «Шахтер» командасын қабылдайды. Ойын «Орталық» стадионда сағат 19:00-де басталады.

Құрылды 02 Шілде 2025

🔵⚪ «Sarybas» — «Тараз» КФК ресми демеушісі!

16 жылдан аса тәжірибесі бар «Sarybas» компаниясы бүгінде 200-ден астам шұжық өнімдерін шығарып, еліміздің барлық өңіріне таратып отыр.

✅ Жоғары сапа
✅ Үлкен сұраныс
✅ Сенімді серіктестік

🤝 «Тараз» КФК @sarybas_kz компаниясының басшысы Берік Сарыбасов мырзаға қолдау білдіргені үшін шынайы алғысын білдіреді!

#FCTaraz #Sarybas #ТаразФутбол #СапалыӨнім #ЖергіліктіСеріктес

Құрылды 02 Шілде 2025

🍞 «Сомин» наубайханасы — «Тараз» футбол клубының серіктесі!

Дәмі тіл үйіретін нан өнімдерімен танымал «Сомин» наубайханасы өз тұтынушыларына сапалы әрі сүйіспеншілікпен дайындалған өнімдерін ұсынуда.

✅ Сапа
✅ Тазалық
✅ Шынайы махаббатпен әзірлеу

🤝 Клуб «Сомин» наубайханасының жетекшісі Исмаил Исмаилов мырзаға қолдауы үшін алғыс білдіреді!

📍 Мекенжайы: Тараз қаласы, Абай даңғылы №290

#FCTaraz #Сомин #Наубайхана #ТаразСеріктесі #ДәмдіНан #СапалыӨнім

Құрылды 24 Маусым 2025

Тараз футбол мектебінің түлектері – Мақсат Әмірханов, Азамат Еркінбек және Еркебұлан Тойбеков кәсіби мансаптарын туған командасында жалғастырады.

🔵 Қорғаушы Мақсат Әмірханов — №30
🔵 Қорғаушы Азамат Еркінбек — №2
🔵 Жартылай қорғаушы Еркебұлан Тойбеков — №21

 Қош келдіңдер, жігіттер! Сәттілік тілейміз!
@amirkhanmaksat @yerkinbek__ @toibekov_10

Сонымен қатар, бұған дейін сынақ мерзімінде жүрген Элер Рахимовпен келісімшарт мерзімі аяқталды.
Ал Темірлан Төребек маусым соңына дейін «Ертіс» клубына жалға берілді.

#fctaraz

Құрылды 21 Маусым 2025

Бірінші лиганың 10 туры шеңберінде «Тараз» өз алаңында «Ақтөбе-Ж» командасын қабылдады. Турнирлік кестеде қатар орналасқан футбол ұжымдары жеңіске жету үшін барын салды.

Алғашқы таймнан бастап алаң қонақтарының қақпасын нысанаға алған жамбылдықтар өткір шабуылдар ұйымдастырды. Ұрымтал тұстың бірінде Темірлан Төребектен рас алған Димаш Серікұлы матчта есеп ашып, «Таразды» алға шығарды.

Қарымта шабуылға иек артқан «қонақтар» тайм бел ортасынан ауғанда таразы басын теңестіріп кетті.

Екінші таймда ойынға тыңнан қосылған Мүслім Жұмат белсенділік танытып, әдемі голдың авторы атанды. Бұл гол осы турдың үздік голдарының бірі болатыны анық.

Бірақ қарсылас оңай берілмейтінін байқатып, ара-тұра нәтижелі соққы жасауға тырысты. Соның арқасында қос гол соғып, есепте алға шықты.

Дегенмен жігіттер жамбылдық мінез танытып, қауіпті сәттер мен соққылар жасады. 90 минут болғанда Мерей Жамбыл өзіне жауапкершілік алып, мол сенімділікпен соққы жасады. Соққы керемет голға айналды. Стадионға жиналған көрермендер «Пушкаш сыйлығына лайық» десіп жатты.

Қосымша уақытта жеңіске жететін бірнеше мүмкіндік болғанымен, матч 3-3 есебімен аяқталды.

Құрылды 19 Маусым 2025

📣Құрметті жас футболшылар, ата-аналар және бапкерлер!

✅Бүгін — Дүниежүзілік балалар футболы күні!

😍Бұл күн – футболды сүйетін әрбір баланың мерекесі ғана емес, сондай-ақ олардың денсаулығын нығайтуға, тәрбие мен ынтымақты арттыруға бағытталған маңызды күн.
«Тараз» футбол орталығының ұжымы атынан барлық жас спортшыларды, олардың ата-аналарын және бапкерлерді шын жүректен құттықтаймыз.

👊Балаларымыздың қадамдары нық, мақсаттары биік, жетістіктері мол болсын!

Құрылды 16 Маусым 2025

Құрметті бұқаралық ақпарат құралдарының өкілдері!

Сіздерді 2025 жылдың 20 маусымы күні, сағат 10:00-де өтетін баспасөз мәслихатына шақырамыз. Іс-шара Тараз қаласындағы «Жастар» стадионының клуб базасындағы конференц-залында (Рысбек батыр көшесі, 2Д) өтеді.

Баспасөз мәслихатының тақырыбы:
2025 жылдың басынан бері атқарылған жұмыстар мен алдағы жоспарлар.

Спикерлер:

Серік Алпыспайұлы Молдағаиров — клуб басшысы

Мұрат Жұмақожаұлы Ағыбаев — бас менеджер

Құрылды 13 Маусым 2025

Жазғы демалыс қарсаңында «Тараз» футбол клубының балаларды қорғау жөніндегі қызметкері жас спортшыларымен кездесу өткізіп, судағы қауіпсіздік ережелерін еске салды. Балаларға су жанында қалай дұрыс әрекет ету керектігі, қауіпті жағдайлардың алдын алу жолдары және демалыс кезінде қауіпсіздік шараларын сақтау не үшін маңызды екені түсіндірілді.

«Тараз» футбол клубы балалардың қауіпсіздігі мен амандығына тек алаңда ғана емес, күнделікті өмірде де ерекше мән береді. Жазыңыз көңілді, белсенді әрі қауіпсіз өтсін!

Құрылды 12 Маусым 2025

Бірінші Лиганың 9-туры аясында біздің командамыз сырт алаңда «Екібастұз» ФК-мен кездесті.

Нұрмат Мирзабаев баптайтын «Тараз» кадрлік қиындықтарға байланысты бұл кездесуге аз ойыншымен қатысуға мәжбүр болған еді. Матч алма-кезек шабуылдармен басталған. Алаң иелері 14-минутта кездесудегі алғашқы голды соқты. Тайм соңына қарай қос ұжым бір нәтижелі соққымен алмасты. 37-минут түгесер шақта жамбылдықтар сапынан Нұрдәулет Байбосынов есепті теңестірсе, араға бес минут салып, алаң иелері тағы да есепке өзгеріс енгізді.

Екінші бөлікте командамыз сапынан алаңға тың ойыншылар шығып, шабуылға қан жүгірткендей болған. Дегенмен, Павлодар облысының ұжымы шабуылдағы мүмкіндіктерді ұтымды пайдаланып, тағы екі гол соқты. Қорытынды есеп – 4:1.

Біздің жігіттер келесі матчын 20 маусым күні өз алаңымызда «Ақтөбе» жастарына қарсы өткізбек

Құрылды 11 Маусым 2025

Бірінші лига екі апталық үзілістен кейін қайта жалғасын таппақ.

Команданың ендігі қарсыласы - павлодарлық “Екібастұз”. Сырт алаңдағы аталмыш кездесу ертең сағат 17:00-де өз бастауын алады.

Еске салайық бұған дейін “Тараз” Бірінші лига аясында тағы бір павлодарлық “Ертіс” ұжымымен кім мықтыны анықтаған болатын. Өкінішке қарай, 90 минут қорытындысы бойынша жамбылдық ұжым 0:1 есебімен есе жіберді.