Құрылды 27 Мамыр 2025

⚽ Құрметті жанкүйерлер!

⚡«Таразды» жаңа деңгейге көтеретін кез келді!
⚡Жаңа дем беретін, серпіліс әкелетін мерзімді бірге бастайық!
⚡Жанкүйерлеріміз ұмытылмас эмоция сыйлайтын матчтарды сағынды!

📣Сіздерді 29 мамыр күні «Орталық» стадионда «Ертіс» командасымен өтетін матчқа шақырамын!
✊Маңызды кездесуде үлкен қолдау көрсетейік!
💪Жігіттер жамбылдық мінез көрсетіп, алаңда атой салсын десек, жұдырықтай жұмылып, жанкүйерлік танытайық!

✅Жанкүйерлер үшін матч күні арнайы ойын алды бағдарламасын ұсынамыз!
🎊«Орталық» стадионда сағат 15:00 бастап ойын-сауық, сый-сияпат, түрлі байқаулар ұйымдастырылады!
🔹Садақ ату
🔹Асық ату
🔹Арқан тарту
🔹Playstation
🔹Аквагрим
🔹Аниматор

🎥«Тараз» - «Ертіс» матчының бірінші таймы аяқталғанға дейін салынған үздік Stories-ке клуб серіктесі Fitness Blitz арнайы абонемент ұсынады!
🔸Әдемі сторис түсіріп, бізді @fctaraz.official және серіктесіміз @fitnessblitz_taraz белгіле!

🔵«Тараз» - «Ертіс»
🗓29 мамыр
⌚16:30
🏟«Орталық»

Құрылды 27 Мамыр 2025

Freedom QJ League – Жасөспірімдер лигасының 6-тур матчтарының нәтижелері:

«Тараз»-U16 – «Ордабасы»-U16 0:1

«Тараз»-U17 – «Ордабасы»-U17 0:1

«Тараз»-U18 – «Ордабасы»-U18 1:0
Гол авторы: Еркебұлан Науханбай

QJ League – Жасөспірімдер лигасында 6-тур матчтары өтті. Біздің клуб өз алаңымызда шымкенттік «Ордабасымен» кездескен. Алдымен, алаңға U-17 санатындағы командалар шыққан. Матчтың алғашқы минуттарынан бастап біздің жігіттер допқа иелік етіп, қарсыласты қысымға алып отырды. Бірінші таймда-ақ бірнеше нақты голдық мүмкіндік болғанымен, доп қақпаға дарымады. Екінші таймда да ойынның басым бөлігінде «Тараз» ойыншылары үстемдік құрды. Дегенмен, қонақтар кездесу соңына қарай, аздаған мүмкіндіктердің бірін пайдаланып, жеңісті голды соғып кетті, қорытынды есеп – 0:1.

Бұл кездесуден соң, қос клубтың U-16 санатындағы командалары алаңға шықты. Жерлестеріміз ойын барысында бірнеше қауіпті шабуыл ұйымдастырып, қарсыластың қақпасына бірнеше рет қауіп төндірді. Әсіресе, екінші таймда біздің ойыншылар белсенділік танытып, допқа иелік ету жағынан басымдыққа ие болды. Алайда шабуылды голға айналдыруда сәттілік жетіспеді. Қонақтар болса, қорғаныста сауатты ойнап, ойынның соңына қарай қарымта шабуылдың бірін нәтижелі аяқтай алды. Бұл кездесуде де 0:1 есебі тіркелді.

Одан соң алаңға қос клубтың U-18 санатындағы командалары шықты. Аталмыш матчқа команда капитаны Азизжон Бердиев жарақатына байланысты қатыса алмады. Дегенмен, «Тараз» жастары бұл кездесуде ерекше ынта мен мінез көрсетті. Жамбылдықтар қарсыласқа алғашқы минуттардан-ақ қысым жасай бастады. Нәтижесінде, 17-минутта Еркебұлан Науханбай қорғаушы мен қақпашының өзара түсініспеушілігін сәтті пайдаланып, есеп ашты — 1:0. Жалпы алғанда, ойын шиеленісті өтті. «Ордабасы» ойыншылары таразы басын теңестіруге тырысты, алайда біздің қорғаушылар сенімді ойнады. Қақпашымыз – Санжар Рахматиля бірнеше қауіпті сәтте шеберлігін танытты. 88-минутта «Тараз» ойыншысы Нариман Асубек екінші сары қағазын алып, алаңнан қуылды. Бірақ команда соңына дейін жеңісті есепті ұстап қалды.

Енді, QJ League бір айлық үзіліске аттанды. Біздің командалар келесі матчтарын 21-22 маусым күндері сырт алаңда алматылық «Жас Қыранға» қарсы өткізбек

Құрылды 26 Мамыр 2025

U-18 командамыздың қақпашысы Санжар Рахматиля «Ордабасы»-U18 командасына қарсы матчың «Үздік ойыншысы» деп танылып, серіктесіміз – «Qazaq Style» кәдесый бұйымдарын даярлайтын шеберхана атынан естелік сыйлыққа ие болды!

Сыйды табыстаған – ҚР еңбек сіңірген жаттықтырушысы Георгий Павлович Хутиди

Құрылды 24 Мамыр 2025

Толығырақ...

Құрылды 22 Мамыр 2025

«Тараз» футбол клубының спорттық директоры болып Қазбеков Ғабит Еркінбекұлы тағайындалды. Ол 1972 жылы Талас ауданында дүниеге келген. 2013 жылы «Тараз» футбол клубында спорттық директор, 2017-2019 жылдары директордың орынбасары, 2020 жылы атқарушы директор қызметтерін атқарған. 

2024 жылы Қазақстан кәсіпқой футбол лигасы жетекшісінің орынбасары болды.

Құрылды 22 Мамыр 2025

Клуб басшысы Мұрат Агибаев команда ойыншылары және бапкерлік құраммен танысты.

– Қазір қаржылық мәселелер бар екенін білемін. Оны жыл соңына дейін толық шешуге тырысамыз. Келесі маусымда жоғары лигаға шығуды мақсат етеміз. Футболшыларымызға барынша көмектесуге дайынмын. Сіздерден тек оң нәтиже күтеміз, - деді Мұрат Жұмақожаұлы.

Құрылды 22 Мамыр 2025

Агибаев Мұрат Жұмақожаұлы «Тараз» кәсіпқой футбол клубының директоры болып тағайындалды. Ол 1986 жылы дүниеге келген. 2017 жылы Қазақстан футбол федерациясында маман, 2019 жылы бас маман болды. 2023-2025 жылдары федерацияда спорттық департамент директоры, футбол лигасының спорттық директоры қызметтерін атқарды.

ҚФФ президентінің, Қазақстан футбол лигасы президентінің «Футболды дамытуға қосқан үлесі үшін» грамотасымен, коронавирус дерті өршіп тұрғанда біріншілікті тиянақты ұйымдастыруға қосқан үлесі үшін арнайы грамоталарымен, «Қазақстан футболына 100 жыл» мерейтойлық медалімен марапатталған.

Мұрат Жұмақожаұлы өзінің мақсат жоспарларымен бөлісті. Командаға инвестор тарту арқылы жыл аяғына дейін барлық қарызды толық өтеуді көздейді. Келесі маусымды қарызсыз бастап, премьер лигаға шығуды мақсат етеді. Жазғы трансферлік кезеңде өзге клубтардағы Тараздан шыққан футболшылар командаға шақырылатын болады. Сонымен қатар, Футбол орталығын инвестор тарту арқылы спорттық құрал-жабдықтар қамтып, экипировка алу, манеж соғу жоспары бар. Спортшыларға арнайы дәрі-дәрмектер, дәрумендер алынатын болады.

Жаңа басшы демеуші және серіктес болуға ниетті ұйымдарға әрқашан ашық екенін хабарлайды.

Құрылды 22 Мамыр 2025

Командамыз Бірінші Лиганың 7-туры аясында алматылық «Хан-Тәңірі» клубымен кім мықтыны анықтап көрмек. Аталған кездесу 23 мамыр күні сағат 16:30-да өтеді деп жоспарланған.

Жалпы Нүркен Мәзбаев баптайтын команда 6-тур қорытындысы бойынша 7 ұпай жинап, турнирлік кестеде 8 орында келеді. Команданың ертеңгі қарсыласы «Хан-Тәңірі» де 7 ұпай жинап, бір саты төменге жайғасқан. 

Құрылды 18 Мамыр 2025

«Тараз»-U18 ойыншысы Ілияс Абдрахи «Тобыл»-U18 командасына қарсы матч туралы өз пікірін білдірді:

-Бұл ойын біз үшін қиынға түсті. Бапкерлердің нұсқауларын толық орындай алмағандықтан, жеңіске жете алмадық. «Тобыл» – мықты қарсылас, оларға матч үшін алғысымды айтамын!

Айта кетейік, Ілияс қостанайлық «Тобылға» қарсы кездесуде гол соғып, өз командасының есепті теңестіруіне жағдай жасаған болатын. 

Құрылды 18 Мамыр 2025

QJ League – Жасөспірімдер лигасының 5-тур матчтарының нәтижелері:

«Тобыл»-U16 – «Тараз»-U16 0:2
Гол авторлары: Дамир Батырбек, Ерасыл Мырзахмет;

«Тобыл»-U17 – «Тараз»-U17 1:0

«Тобыл»-U18 – «Тараз»-U18 2:2
Гол авторлары: Ералы Тұңғыш, Ілияс Абдрахи